全世界最貴，有幾貴？平時一杯咖啡三、四十蚊，呢杯巴拿馬藝妓咖啡豆沖出嚟，盛惠$400大元，仲要有錢都未必飲到，4間THE COFFEE ACADEMÏCS分店限量供應5杯，網上預約由而家開始直至下年3月，隨啡附送小食同獎狀一張，極罕程度拍得住食到鼎爺手勢！
因乜解究呢款「巴拿馬藝妓」（Panama Geisha）咖啡豆咁極罕又極貴？話說上個月嘅「最佳巴拿馬咖啡」拍賣會，呢款獲獎無數，分數達94.1分、來自海拔1,800米、位於巴拿馬西部山區Boquete嘅咖啡，打破以往賣出嘅咖啡豆紀錄，每磅價值$601美元，折合$4,766港元左右，賣出100磅即係4萬幾蚊！
可能講完你都冇Concept，100磅即係45.5公斤，香港THE COFFEE ACADEMÏCS有幸分到7公斤，可炮製300杯。由10月12日起，喺太古城新開張嘅「601 體驗室」率先獨家品嚐，另有少量咖啡豆同手沖咖啡工作坊報名，鍾意飲/沖/聞咖啡嘅朋友，千祈唔好錯過！
網址：https://the-coffeeacademics.com/601-experience
