如果大家有玩開LINE，都知道P助同粉紅兔兔有幾打耳，先前佢地喺東京開pop up café，據講高峰期排隊要排6個鐘。咁我哋又唔駛羨慕日本人嘅，因為機會嚟喇，飛雲！本地甜品品牌「山下菓子Kingsley Deserts」最近搵嚟P助、粉紅兔兔開設期間限定甜品店，呢勻真係又食又買，好唔得閒呀！
必食推介，梗係「最強期間限定日本直送白桃甜品系列」啦！P助、粉紅兔兔造型嘅白桃味雪糕、雪條、馬卡龍新地超勁多款，又點忍得住影相同食落肚呀？然後仲有桃味Mousse瑞士卷、意式馬卡龍、一口甜品Donut、Cupcake、Puff 連馬卡龍，全部都以超萌P助同粉紅兔兔造型登場，真係食咗再諗點減肥喇。
到時幾間pop up store，仲有好多款P助、粉紅兔兔造型精品可供選購，包括陶瓷餐具、帆布袋及化妝袋。粉絲們，記得帶定彈藥嚟掃貨呀！
銷售點：
地址：期間限定店將在荃灣、馬鞍山及將軍澳分店開設
日期：7月1日至8月31日
