正式馬拉松季節未開季，不過暑假都可以短短地止一止跑步癮。而且香港人近年好鍾意跑步，做運動梗係好，最好就幫埋小朋友培養呢個習慣。嚟緊7月23日就有呢個「渣打慈善家庭跑」，而且仲係為三個慈善機構及計劃，包括：「看得見的希望」、香港殘疾人奧委會暨傷殘人士體育協會及香港防癌會籌款，分為400米前世情人跑同兩公里跑，前者父母可以同埋1名5歲或以下子女參加，2公里就可以家庭成員齊齊跑，於中環10號碼頭起步，沿中環海濱長廊跑出龍和道，最後跑入位於添馬公園的終點。同場更會舉行合家歡嘉年華，有現場樂隊表演，仲有水戰派對、草地家庭照拍攝、集體鼓樂、臉部彩繪、扭氣球、環保工作坊及攤位遊戲。報名日期去到6月9日，快！
報名：
https://www.putyourself.in/sc/
