精靈即將現身海港城？講緊嘅唔係寵物小精靈，而係由早已揚威國際嘅香港插畫家龍家昇（Kasing），所畫嘅歐洲小精靈，龍家昇老師將會喺6月3日至20日，喺「海港城．美術館」舉辦第一個香港個人作品展，展出廿幾幅以精靈為主題嘅全新畫作。
龍家昇喺香港出世，荷蘭長大，曾經喺比利時得過當地繪本大賽冠軍，亦係第一個華人得到呢個獎；佢亦喺台灣搞過好多次個展。之前仲同過香港玩具品牌HOW2WORK合作，將佢喺雜誌連載嘅《玩具森林》立體化，推出一系列繪本角色嘅產品。
喺Kasing嘅精靈世界入面，有啲精靈乖巧，有啲精靈頑皮，但全部都係熱愛和平同大自然嘅可愛族群。細心留意嘅話，仲會發現每隻精靈著住來自歐洲唔同地區嘅民族服飾，而家睇住幾張先，想一次過晒，就要下個月去海港城喇！
 |
 |
 |
|
香港插畫家龍家昇（Kasing） |
《精靈們的彩色國度》 龍家昇作品展
日期：6月3日至20日
時間：早上11時至晚上10時
地點：「海港城．美術館」（尖沙咀海港城海洋中心二階207號舖）
