池袋TOKYU HANDS 有《龍珠》仙豆賣

自從細細個睇過《龍珠》悟空有仙豆食之後，每次返工放工逼車捱夜睇波唱K得番半條人命時，都想有粒仙豆可以提提神，但次次只係喺個nuts兜度摷到幾粒青豆，wasabi味嘅。不過而家機會嚟喇，因為日本真係有仙豆賣，雖然其實係朱古力，雖然唔係第一次見類似嘅嘢，但今次「ドラゴンボールZ 仙豆ポットチョコ」個兜精美喎，可以重用再重用喎，池袋TOKYU HANDS 7樓，邊個新年去東京旅行麻煩買手信俾我，唔該啦500円之嘛。