新年之後又新年，農曆嗰個，今個農曆雞年，麥當勞將會推出節日限定menu及全新輕鬆小熊公仔（有雞嘅，佢隻寵物鼻窿雞）。首先由1月12日起，招財福堡系列將會應節金come back，有招財牛堡、招財雞堡、黃金脆薯牛堡及黃金脆薯雞堡，叫套餐仲可以配大家都好鍾意嘅扭扭薯條，而購買任何招財福堡套餐，即可獲贈輕鬆小熊利是封一套。如果你懶得落街買，於麥麥送惠顧滿$100或以上，亦會得到輕鬆小熊利是封一套。
另外，只止部分食物，例如紅豆批、招財雞翼分享盒、小龍蝦湯會換上Rilakkuma包裝，凡惠顧任何食品加$30，直頭可以換購Rilakkuma輕鬆小熊齊齊祝福公仔一隻。新年梗要送禮，購買任何食品後加$238，就可以換購「輕鬆小熊齊齊祝福」套裝，有特別版小雞暖手Cushion、招財進寶、熊噹噹、桔星高照及大雞大利四款公仔，加埋Rilakkuma主題麥當勞$10美食券五張，得意又實用，講講下都係想自己keep返套。
