近年去韓國睇櫻花的人數直線上升，今年你可以順路去埋首爾的新景點「首爾站7017項目」。首爾政府將首爾站1970年起的行車天橋，在2017年改成行人天橋（所以叫7017），並連接各大景點。你可以直接由首爾站步行到南山公園、南大門市場等地，周邊還會增設café、餐廳、酒吧等等，又會舉辦文化活動，而且行人天橋上非常綠化，IG呃like打卡食嘢閒hea 乜都得。「首爾站7017項目」將於2017年4月正式開放。
至於日本，新嘢就會出現喺名古屋！連名古屋人自己都覺得名古屋好悶，佢哋今年有救嘞，因為4月1日LEGOLAND® Japan就會正式開幕！名古屋LEGOLAND®佔地大約9萬多平方米，係繼馬來西亞LEGOLAND®後亞洲第二大。園內有6大主題區，包括LEGO城市、冒險樂園（有過山車）、迷你樂園、LEGO王國、LEGO工廠及商店街，更有用大約22萬5,000塊LEGO砌成名嘅古屋城。LEGO加上「日本」呢兩隻字嘅吸引力，我上咗官網買飛了，老細，我4月要請假。
LEGOLAND® Japan：https://www.legoland.jp/
