「職業無分貴賤」從來是廢話，月薪跌出十萬會立刻被港女們從「potential husband」名單除名。某些相對厭惡性行業一向不被年輕人看上眼，然而自昨日起，比卡超狂潮令人類患上捕獵症後群，office工種只可呆等小精靈自願上吊，useless！所以今回TOUCHers為大家推介另類工種，讓你可邊打工邊尋找小精靈，成為成功的精靈訓練員！只要有恆心，比卡超上身，共勉之啦喂！
總括而言，若要成功，首要條件是只有一，「移動」！
1.麥麥送外賣專員
係，麥麥送專員每日騎著那電單車飛馳，為客人送上漢堡與薯條，而且每次出動的目的地均有不同，遇到不同精靈的機會大大提高。不過，弊處就是通常訂單都是附近區域，想由荃灣送貨到柴灣捉秦煌卡比獸就難啲了。
郵差叔叔送信純熟，迅速送出，曾幾何時《奇洛李維斯的回信》為郵差叔叔帶來祟高且優越的使命感，然而熱潮過後(Fiona都學識send email了)，郵差叔叔工作量大減，人生意義失卻，但，不要緊！新世界是屬於你們的！靠著極高流動性，一邊沿路收集信件，一邊捕捉精靈，有啲郵筒仲係補給站(Pokestop)嚟㗎！喂師兄，等你出個《Pokémon郵差攻略》！
3. 跟車工人
鄰居阿強細細個唔讀書，就係鍾意玩車，所以F.3畢業後就去咗做跟車，以為人生就係搬貨上車跟車喺車度瞓覺搬貨落車就咁一世咩？No la，突然出現的《Pokémon Go》令佢人生大逆轉，依家阿強朝朝7am就準時起身，抖擻精神極之積極咁返工，跟車沿途金精火眼冇瞓過覺，2日就捉到數十隻小精靈，仲威到比記者訪問。所以話，今時今日做跟車，係會成功㗎！
4.漁夫
慶幸香港是個四面環海的地方，試想像你家住烏魯木齊，要捉水系小精靈，去天山啦！近年本港漁業式微，街市只有急凍龍蝦，那有新鮮蘇眉？然而可能多得《Pokémon Go》，讓年輕人們重拾與大海玩遊戲的樂趣，依海而作，踫到水系精靈上吊的機會定必大增。多謝Pokémon，漁業再盛指日可待！
5. 泊車仔
其實好多餐飲娛樂場所都有「代客泊車」服務，而負責代客泊車的所謂「泊車仔」，冇客人就得個企字同等字，有客囉喎，就奉旨揸架車四圍遊，泊到靚位就得。呢個時候，泊車仔阿成終於可以揸車去搵PokeStop搵補給拎返啲精靈球，再沿途收服多幾隻好罕見嘅精靈，再返去「代客泊車」的位置慢慢升level，周而復始，阿成佢依家都不知幾愛佢份工！
6. 清道夫
乜你歧視掃街的人、覺得佢哋污糟？其實人哋不知幾偉大，幫我哋掃到條街乾乾淨淨井井有條，為我哋提供一條舒適的道路，等大家玩《Pokémon Go》時都冇咁多障礙物冇咁容易跌親，影張相show off、呃like都靚啲。而其實，你要感激清道夫之餘，亦都可以諗諗成為佢哋其中一員，你諗下，收錢奉旨喺條街度四圍走，一邊掃、一邊捉小精靈，呢份荀工去邊搵？
7.放狗員
其實放狗員本身生理上，心理上都與精靈訓練員不謀而合。這份在外國屬熱門工作類別的工作，有指一個月可穩袋4萬。雖然放狗員要處理狗隻的大小二便，但喜愛小動物的你又怎會嫌棄呢？現在更可藉放狗的時間，同時間攞埋老闆的電話幫手孵蛋，一於收佢兩份人工，從此月入八萬不是夢！
8. 的士司機
 |
 |
的士司機大衛最鍾意揸的士，仲成日為咗等到佢心儀的女神瑪嘉烈而拒載，幾浪漫幾偉大。最近，佢拒載的次數多咗，原來係為咗傳神貫注捉小精靈。你哋諗下，有邊份工咁自由，隨時港九新界四圍去（仲要唔使行路，仲有可以放好多部電話開好多個account，試想像全部電話唔係call台而係Pokémon！) 之後仲咁有錢可以租到間全白色勁靚的屋同人同居、又買到一架七人車...... 所以話，的士司機真係好有前途㗎......
不過都係嗰句啦，注意安全，勿生意外，睇車呀！完！
