品牌Forget-me-nots × Nike WMNS Air Ship "From Bud To Flower"將於9月27日登場！
Forget-me-nots於2021年東京開業，係一間專為活躍、具創意獨立女性打造嘅時尚精品店，以「Street is beautiful, Sneaker is elegant」為理念，透過時尚向現代女性展示街頭文化嘅不屈精神與運動鞋歷史。
「毋忘我」係一種於任何環境下都能盛放嘅野花，所以沿用「毋忘我」作為店名，象徵每個人都會有屬於自己嘅美，而野花則彰顯獨立女性形象。

今回首度聯名鞋款Forget-me-nots × Nike WMNS Air Ship，以「花蕾」為主題，旨在展現花蕾完全綻放前嘅美感、女性氣質、無所畏懼，充滿堅定信心和發展自己才能嘅意願；然而，仍然會有一種危機感與看似未完成嘅感覺，所以鞋身部份刻意留下不完美嘅地方，成為其他運動鞋冇嘅獨特特徵，而外底則採用骨架材質，同時表達出一份堅強及花蕾嘅脆弱。至於Swoosh嘅設計靈感源自混凝土裂縫中綻放嘅強大野花，而灰色絨面革則表達混凝土嘅粗糙感。鞋身採用柔軟、有光澤嘅皮革材質，表達出花蕾嘅清新，而鞋舌和後踭位Nike標誌則以毋忘我花蕾藍紫色刺繡而成。此外，球鞋內襯採用閃亮藍色，代表即將綻放嘅毋忘我顏色，鞋墊上更印著一朵盛開嘅毋忘我！
即日起至10月1日，品牌於代官山本店設立一間期間限定店「FROM BUD TO FLOWER」，店中構建出一個儼如從混凝土裂縫中萌芽嘅強大野花空間。
（Forget-me-nots × WMNS Jordan Air Ship PE SP 售價¥22,000）