各大品牌努力作多方面可持續性發展，值得支持！好似Onitsuka Tiger 鬼塚虎就首度與DESSERTO工程師共同開發一種透過仙人掌纖維及其他原材料製成嘅新物料，以呢種源自墨西哥仙人掌嘅物料製作出標誌性MEXICO 66 CACTFUL系列鞋款，當中製造過程相對傳統真皮會減少約80%二氧化碳排放量，減少對環境造成影響，仙人掌材料另一個特點為輕盈性，故鞋款極輕身；另外五種配色選擇嘅MEXICO 66 CACTFUL除咗鞋身主體外，鞋墊、鞋帶等其他部分亦由回收材料製成！

早前預覽2023秋冬系列，以「都市層次」為主題嘅服飾之外，當中以嶄新詮釋MOLLETY厚底球鞋最為搶眼，表面看似Onitsuka Tiger典型簡單薄底，但內裡鞋墊採用FF BLAST PLUS獨特物料，35毫米或以上鞋墊狀厚度實現驚人嘅緩衝；此外，極具人氣鞋款DELECITY推出靴款版本DELECITY BOOT，改良為10孔設計， 內部則賦予拉鏈，方便穿脫；至於滿載節日氣氛嘅MEXICO 66 SD，鞋面、鞋底採用鐳射反光物料製作，好閃！鞋款分別預計10 / 11月釋出，期待！