「不如我哋由頭再嚟過」如影隨形烙印於觀影體驗，對白無法分割斷捨離為自己加分嘅回憶，人生其實冇幾多Second chance，更遑論第二生，假如遇上了，就更應該好好珍惜，可一不可再，聚焦於個「再」字。
好比今回「唔好錯過」系列，以王家衛經典電影作品《春光乍洩》重量級聯乘Raf Simons，由JOYCE構思、組織協作、特別呈獻全球獨家限定釋出；傳奇比利時時裝設計師Raf Simons，憑藉香港攝影師夏永康Wing Shya為王家衛執導、張國榮及梁朝偉主演電影《春光乍洩》（1997年）所拍攝劇照為主軸設計，締造出5款具標誌性特色中性設計衣飾，包括Oversized牛仔襯衫、Oversized圓領水洗衛衣、雙層Tee、Oversized Tee及牛仔手提袋，一幅幅顯影張國榮及梁朝偉跳著探戈如對立連體嬰嘅纏綿悱惻凌厲影像，加上Happy Together字樣，向一對沒法再重聚嘅布宜諾斯艾利斯戀人致意，黎耀輝、何寶榮1997年嘅關係到咗今日已經分崩離析，回不去。「重頭開始」或許可以於身上無限Loop。

JOYCE
金鐘道88號太古廣場201號店
2810 1120