自從波鞋重回潮流正軌以來，潮流人高追波鞋是常識吧？然而，波鞋的回勇除了為潮流人提供更多波鞋的選擇之外，炒賣波鞋亦成為了一大潮流趨勢，而炒波鞋亦導致更大的問題－假波鞋出現。在早前Air Jordan大熱之時，早有傳聞市面上充斥着假AJ，而到YEEZY的出現，假波鞋直頭係衝着YEEZY而來，像真度之高分分鐘連Kanye West本人都分不清龍與鳳。不過外國有位19歲年青人，化名Yeezy Busta，專在自家instagram拆穿邊對YEEZY係假嘅，不少名人明星如成龍大哥、Zac Efron等均榜上有名，早前在潮流網站COMPLEX之中更有段片教大家如何分辨真假，怕假YEEZY的潮流人有福了！

為咗保障自身私隱以及安全，化名Yeezy Busta之外，眼鏡、YEEZY樣口罩更係不離身！

Zac Efron作為一代男神，靚仔又有隻，由A&F走到入荷李活，錢應該不是問題，相信都係眼光唔夠獨到，下次買YEEZY要小心啦！

貴為國際巨星的成龍大哥絕對係香港人嘅驕傲，不過又犯多個天下男人都「有機會」犯嘅錯誤，買番對真YEEZY，方為大師傅啊大哥！

有癮睇Yeezy Busta接受COMPLEX的訪問原文嘅可按此，其中更有段片教大家分真假YEEZY。