每年11月都係萬眾期待的H&M設計師聯乘系列的開賣日，今年一早公佈過係會crossover KENZO，而剛剛H&M官方亦終於釋出整個系列的造型照，從照片可見，是次的crossover大玩豐富的色彩及圖紋，例如有用得最多的豹紋及虎紋(KENZO標誌係老虎吖嘛)，仲有不少花卉patchwork，女生系列用上不少層層ruffles、連身裙及闊褲的設計，感覺都幾有民族feel；而男生系列就玩窄身8分褲、sweater及綁腰外套，帶有點點型格版的山系感。唔知你又睇中咗邊件單品呢？唔好諗咁耐，因為11月3日就會在全球250間指定H&M門店及網上發售喇！